Na kanino ang lunas na iniwan ng Pilosopong si Tasyo bago tayo lisanin at sarilihin ang Epidemyang kasalukuyang namiminsala sa ating bansa? - Hihintayin na nga lang ba nating mabuhay si Kapitan Sino at lumabas mula sa mga pahinang nilikha ni Bob Ong?
Ang totoo niyan, ang gamot na nais niyang tukuyin ay pinanghahawakan ng bawat isa. Isang lunas na mabisang pamuksa laban sa malaganap na sakit.
Kapag pinagsama-sama ang mga 'to, kayang paghilumin ang lalim ng sugat na sagad hanggang buto. Gamitin natin sa mabuti ang kapangyarihan nito. Ngunit kung hahayaan lamang itong masira, ang mundo ang mas lalong mapipinsala.
Tayong langkay ng kabataan, na sa ating mga marurungis na palad ang tanging lunas na hindi nabigyan ng pagkakataong maipahid ng mga bayani noon sa umaalimpuyong sugat ng bayan.. Wag na nating hayaan pang isang araw, ang kaluluwang balot ng hapis at pagsisisi ang sasapi sa 'ting mga nangahihimlay na puntod.
Kung iyong lilimiin, ikaw, bagaman alitaptap na ga-binlid ang sulo, ay maaaring maging ilaw-dagitab sa ilalim ng sinapupunan ng gabi.
"Tila isa kang tandis na nagsisilab ng sulo patungo sa dulo ng karimarimarim na putikang ating kinasasadlakan.., ito ang panahong kailangan nating makita ang pagkakapit-diwa ng mga ulap, bituin, at dagat"
Subscribe to:
Post Comments (Atom)
4 comments:
Isa kang tunay na kabataan. :)) ito pla ung nihahanap ko n d ko makita. sayan! :))
i love you^^ galingan mo pa magsulat! dito lang ako^^
i love you^^ galingan mo pa magsulat! dito lang ako^^
WOW NAMAN. hahahahhahaha nagcomment k pla? hahahha yioi. sige po^^
Post a Comment